ਤਾਜਾ ਖਬਰਾਂ
ਸ਼ਬਦੀਸ਼ ਥਿੰਦ
Tuesday:03-March 2026
ਰੂਸ-ਯੂਕਰੇਨ ਜੰਗ ਦੀ ਭੇਟ ਚੜ੍ਹਿਆ ਜੰਮੂ ਦਾ ਇੱਕ ਹੋਰ ਗੱਭਰੂ: ਮਨਿੰਦਰ ਸਿੰਘ ਜੌਹਲ
ਜੰਮੂ ਦੇ ਆਰ.ਐੱਸ. ਪੁਰਾ (RS Pura) ਇਲਾਕੇ ਲਈ ਇੱਕ ਬਹੁਤ ਹੀ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ। ਸਾਲ 2025 ਵਿੱਚ ਸਟੱਡੀ ਵੀਜ਼ਾ 'ਤੇ ਰੂਸ ਪੜ੍ਹਨ ਗਏ ਮਨਿੰਦਰ ਸਿੰਘ ਜੌਹਲ ਦੀ ਮ੍ਰਿਤਕ ਦੇਹ ਅੱਜ ਵਾਪਸ ਪਰਤੀ ਹੈ।
ਜਾਣਕਾਰੀ ਮੁਤਾਬਕ, ਮਨਿੰਦਰ ਸਿੰਘ ਨੂੰ ਰੂਸੀ ਫੌਜ ਵਿੱਚ ਭਰਤੀ ਕਰ ਲਿਆ ਗਿਆ ਸੀ ਅਤੇ ਸਿਰਫ 15 ਦਿਨਾਂ ਦੀ ਮਾਮੂਲੀ ਟ੍ਰੇਨਿੰਗ ਦੇ ਕੇ ਸਿੱਧਾ ਜੰਗ ਦੇ ਮੈਦਾਨ (Warfront) ਵਿੱਚ ਭੇਜ ਦਿੱਤਾ ਗਿਆ, ਜਿੱਥੇ ਉਸ ਦੀ ਜਾਨ ਚਲੀ ਗਈ।
ਨੌਜਵਾਨਾਂ ਅਤੇ ਮਾਪਿਆਂ ਨੂੰ ਖਾਸ ਅਪੀਲ: ਰੂਸ ਹੁਣ ਪੜ੍ਹਾਈ ਜਾਂ ਰੁਜ਼ਗਾਰ ਲਈ ਸੁਰੱਖਿਅਤ ਦੇਸ਼ ਨਹੀਂ ਰਿਹਾ। ਜੰਮੂ-ਪੰਜਾਬ ਵਿੱਚ ਬੈਠੇ ਏਜੰਟਾਂ ਅਤੇ 'ਇਮੀਗ੍ਰੇਸ਼ਨ ਠੱਗਾਂ' ਦੇ ਝਾਂਸੇ ਵਿੱਚ ਆ ਕੇ ਆਪਣੀ ਅਤੇ ਆਪਣੇ ਬੱਚਿਆਂ ਦੀ ਜ਼ਿੰਦਗੀ ਖ਼ਤਰੇ ਵਿੱਚ ਨਾ ਪਾਓ। ਅਜਿਹੇ ਏਜੰਟਾਂ ਤੋਂ ਸਾਵਧਾਨ ਰਹੋ ਜੋ ਸੁਪਨੇ ਦਿਖਾ ਕੇ ਮੌਤ ਦੇ ਮੂੰਹ ਵਿੱਚ ਧੱਕ ਰਹੇ ਹਨ।
ਪ੍ਰਮਾਤਮਾ ਵਿਛੜੀ ਰੂਹ ਨੂੰ ਆਪਣੇ ਚਰਨਾਂ ਵਿੱਚ ਨਿਵਾਸ ਬਖਸ਼ਣ ਅਤੇ ਪਰਿਵਾਰ ਨੂੰ ਭਾਣਾ ਮੰਨਣ ਦਾ ਬਲ ਬਖਸ਼ਣ।
Get all latest content delivered to your email a few times a month.
